........... زكاة رمضان ..........
***********************
محتار محتار محتاجلك زار
وده حالنا وحال مليار صرصار ؟
مشغول بزكاة رمضان تطلع
ك حبوب أفضل أو مال بآذار ؟
بتهزه التقوى يقوم يرفس
ويحلل فعله بكيف ده صار ؟
بيصلي ولكن ع القبلة
وقبلة أسيادنا نهود لميار ؟
ولهالة وشيماء وأميمه
ولدنيا بتبعت لك أنذار ؟
وفلوس ببنوك مع فوايدها
مابيشغل بالك ربا قنطار ؟
ولأكل حقوق وميراث لبنات
ده أصبح عادي كأكل خيار ؟
وشهادة الزور بتقولك غور
لكن اللي بيشغل زكاة رمضان ؟
ولا سامع ولا شايف غزة
ولا أٌثر جوع مليون إنسان ؟
وأللاف وأللاف أطفال ماتت
ونسا بصاروخ دمر لديار ؟
والسفلة بتتحدى العالم
وبجد مافيش بكلامي هزار ؟
وجنابك ولا شغلك دوت
لكن مغمور بحبوب ولا مال ؟
والكيلة عن كام واحد تغني
وعيارها ميزان ولا يبقى عيار ؟
ده ياريت والله عيار فيكم
ويصيبكو بليل أو حتى نهار ؟
فاقدين وللأحساس خالص
وياريت كان طالكوا طوفان أحرار ؟
بقلم .. الشاعر ياسر فؤاد الجدي
ليست هناك تعليقات:
إرسال تعليق