ياصباح النسمة البردانة
والشتا اللى جى على هوانا
ومج السخن اللى ف إيدك
بيصحى مشاعر غرقانة
بتخلى الزعلان يتراجع
وتواسى التعبان والدامع
وتجرى الكسلان على رزقه
يجبره المولى ولا يمانع
ياصباح الشمس الهربانة
اللى ياما خادتنا على خوانة
شعللت النار فى قلوبنا
وعيونا نامت قلقانة
ياصباح قلوبنا العطشانة
للمسة حب دفيانة
نطبطب بيها على روحنا
وتنسينا آلام ومواجع
سلوى محمود
ليست هناك تعليقات:
إرسال تعليق