جوايا ألف واحدة
إختلفوا ف كل حاجة
واتفقوا فى حاجة واحدة
إنهم بيحبوا واحد
ودايماً حاسين بوحدة
واحدة راكعة ساجدة
وشيطانة بتغوى فيها
عايزاها تايهة شاردة
واحدة للحب رافضة
وواحدة بتحاربها
ونارها م الحب قايدة
واحدة قاسية جاحدة
والتانية بتراضيها
بالعطف والمودة
واحدة تايهة منهم
والكل بيلاقيها
وقت الغضب معاندة
مية واحدة عكس بعض
كلهم بيحاربوا بعض
وتعبوا من المناهدة
تايهين مالهومش حد
ودموعهم كل ليلة
بتغرق المخدة
سلوى محمود
ليست هناك تعليقات:
إرسال تعليق