صبر روحي
ادك الصبر فوق السم وجرعنه
ولا ادنك راسي للمايسوه وشيمنه
صحيح جروح كلبي هواي
لكني اصبره بقهر وبونه ولا شامت اشمته بحالي ويفرح
وظل رافع راسي للقمه
ياحسرة عمر وتعده بالكلفات
ولا طخ راسه النذل وتمنه
كضن وتعدن الصعبات... وجانه الخير واثمرة شجرة صبرنه
ابد ما يظل حمل مطروح للدوم
لمن يحط عينه بعين الله
ويظل الشامت كل العمر مندوم
من يشوفك صرت اخير منه
وتبقى اسنينك الصعبات ذكرى
تمر على البال من تقره
ولا تندم على يوم من تمر
على ذكراه وسنين وحرجنه
ويظل عزيز الشرف للراس مرفوع
وتذكره الناس واسمه بيه تتغنه
بدواوين الشعر والكعدات علم
والناس بيه اطوف ما ينشبع منه.
بقلمي .. فاضل العبسي
ليست هناك تعليقات:
إرسال تعليق