التاريخ: ٢٩/٠٨/٢٠٢٣
( ضاعت الدنيا )
ضاعت الدنيا معاكم كل ساعة مشكله
والهوى لي من قداكم خافنا انا باقفله
و ايش عادك باتقول
هل معاكم شي حلول
والمحبه يا حبيبي تصفية كل القلوب
الهوى كله معاكس ريت بايهب الجنوب
مارجع أنا من وراكم رغم لي هو تفعله
و أنا نحب إلا رضاكم عيب خلك تهمله
و يا ترى بعدك يطول
ساهنك عندي الوصول
عارف انك باتجي او من هواكم بانتوب
الهوى كله معاكس ريت بايهب الجنوب
تعبت صبحك مع مساكم حلكم با نقبله
القلب عاده بس هواكم ظن ماشي بدله
و نحبكم و زايد قبول
الحول مر من بعد حول
قلي متى با نلتقي حتى نصفيها الدروب
الهوى كله معاكس ريت بايهب الجنوب
إن رك حبلك من قداكم لازم عليكم دبله
العاصفة عكت سماكم و الخطأ قم عدله
يا خسها بعض الدلول
شفها تصيبك بالكلول
والفرص إلا معاكم بانضيفك في القروب
الهوى كله معاكس ريت با يهب الجنوب
د/أحمد بازار
ليست هناك تعليقات:
إرسال تعليق