خيرك سابق
بجد علمني احب نفسي واكون اولى لها
واهتمامي بيك غلطة وكان لازم افوق منها
واللي عملته ليك حاجة ف غير مكانها
خيرك سابق
خلاني الم جروحي وف غيري ماافكرش
والفراق مبقاش عيب والبعد مابيموتش
خت نصيبي وكأنك انت ف حياتي مجتش
كتر خيرك شاكر جميل عمري ما هنساه
مبقاش قلبي يوجعني وعايش لا مبالاه
وعادي بقيت عادي وضع اصبح هادي
رجعت روحي لروحي واستعوضت الله
مكنتش لي
كل مشاعرك باهتة وقلبك ده لوح جليد
حبيتك بقلب سليم واديتك ما في الايد
اطلع برة حياتي أو شوف لك حب جديد.
مكنتش لي
عيشت لنفسك بس ولا حضنك كان بيدفي
لقيتك واقف ضدي و امتى وقفت ف صفي
دلوقتي البعد اريح مبقاش العمر يكفي
محمد الحناوي
ليست هناك تعليقات:
إرسال تعليق