قصيدة بعنوان
(إزاي زرعك،؟؟؟؟؟!)
إزاي زرعك بيطرح
شوك مع إنك سقيته.
من دمك.
إزاي فرحك بيطرح جرح.
مع إن ال تقصده منك.
إزاي ال فاكره حبيبك.
بيخيب كل يوم ظنك.
وإزاي إل منك
تيجي تنصحه يغمك.
وأنا قاعد وبطلع على
الدنيا وبتعجب على
المقادير. والشيء
ال عمري ما أتخيله
يصير ألاقيه النهارده.
بيصير.
الحلم ال كنت منتظره.
حقيقه الاقيه في
الهواء بيطير.
العمر مش هو العمر.
ولا عاد السن زي السن
والعجز معاه الشيب.
ولافي قلب بيحن.
إزاي زرعك بيطرح شوك
مع إنك سقيته من
دمك.
وطول العمر بتشيل.
وتتحمل وتصبر.
على الأوجاع.
وخايف تقول الآه.
لايقولوا كبر سنك.
وتضرب أخماس
في أسداس وتهرب.
من الصدمات.
مرة تقوم منها.
وألف مرة وقعات.
وتطمن نفسك وتعيش.
في الوهم كام ساعة.
وتصحى على الفجاعات.
تلاقي ال يخبط فيك.
ومين يحوش عنك.
غير إيدك ال مش قادره.
تشيل لقمه تحطها
في فمك.
أدي الدنيا وأدي.
العمر وأدي الأيام
وأدي حياتنا ال عيشناها.
كل يوم كف على الكفا.
يرن في صمت غريب.
لا أنا عارف ألاقيها من غربة.
ولا عارف ألاقيها من كلام
يدبح بسكينه تلمه.
ولا عارف ألاقيها من الدنيا
ال بتمرمط وبتبهدل فينا.
ودا كله ال
يحيرك ويجنك.
إزاي زرعك بيطرح شوك
مع إنك سقيته
من دمك........
(ترنيمات وخواطر بقلم............)
ليست هناك تعليقات:
إرسال تعليق