راجع تاني (610)
................
أيه اللي باقي ما شيلتهوش
فوق ضهري شيل
ده الحمل زاد ما رحمش سني
وهد حيل
وفى أيدي صوره ذكريات
لشريك سنين
أمسي اللي راح
ولا ردليش
وسابني وحدي إزاي هعيش
بيتي اللي كان أصبح مافيش
بقى كوم تراب
ياما سترني في وحديتي
جدرانه شاهده لضحكتي
وسعاده قاسمه نسميتي
ضله و أمان
دلوقتي تاهت دنيتي
ولاهمنيش فين ضحكتي
ما الدمع علم ع الخدود
والروح وماتت من الوجود
ماتت في أرضي وع الحدود
مافيهاش حياه
مش لاقي حيط أدارى فيه
وأسند جراح عمري عليه
هفضل كتير أمشي غريب
مظلوم و ظالم و البرئ
الكل يتساوى فى طريق
بره الحياه
على عيني أسيب أرضي تراب
لحدادي عميا وميه غراب
باقيه جذوري إن جسمي غاب
فيه يوم هعود
راجع يا بلدي أوعدك
إن عمري طال
وأكتب بأيدي كنيتك
أرض العمار
بقلم .. صبري رسلان
ليست هناك تعليقات:
إرسال تعليق