انا بسألني
..............
بسألني أمتى الاقيني اقابلني
ليه زعلان مني مخاصمني
مش بتكلم معايا
لا بحكيلي ولا بشكي مني
لو أسألني القاني مش فاكرني
مش عارف حاجة عني
عايش وحيد طول أوقاتي
انا وروحي ونفسي وذاتي
ماأعرفشي دول قرايبي ولا اخواتي
وليه هما مشاركني حياتي
ولا الفراغ بيخليني اهاتي
أمتى اقابلني والاقيني معايا
واعرف ايه أصل الحكاية
عارفني لو بصيت بالمرايا
ايديا تطبطب عليا وكفاية
ياغربة ابعدي روحي سبيني
اتصالح مع نفسي وأنسى يأسي ومر سنيني
يادنيا ابتسمي اترسمي عالشفاه ارسميني
سميني حروف اسمي
بلوحي اكتبيني
عرفيني بروحي اداوي جروحي
ياسنين الحرمان روحي رجعيني
أعيش حياتي مع ذاتي
كل أوقاتي الحاضر والأتي
الاقيهم معايا ماهم حتة مني
غصب عني كنت ناسيهم
وهم كمان كانوا ناسييني
....
بقلم.الشاعر
الأمير_محمود
ليست هناك تعليقات:
إرسال تعليق