طبعك مكر ودهاء
....................
عارف أنك خداع بتبيع
وطبعك مكر ودهاء
وأنا قلبي بالحب ينابيع
بيفيض اخلاص ووفاء
خايف على قلبي الوديع
يضيع فى هواك هباء
ليا رجاء قبل ماتخون
فى أساك كون حنون
وأرحم فى هواك الظنون
يمكن يكون لينا لقاء
إللي خان ملوش مكان
لو كان قلبي فأيديك
ولا يوم يجمعنا مكان
ياما هان قلبي عليك
لو عاد بينا الزمان تاني
راح اقولك خليك مكاني
دوق عذاب قلبي وحرماني
ودموع بتسيل سيل بسخاء
القلب هاجرتوا ولوعتوا مارحمتهوش
الحب خنتوا وضعيتوا ماصنتهوش
العين ياما سهرت ليالي
كان سؤالى اللى مسألتهوش
ياقلبي لو قابلني ولقاني
بأسم الحب نداني واترجاني
بعد ما باعنى ورمانى
وخلي ليلي أنين وبكاء
مصدقوش طبعه مكر ودهاء
........
بقلم.الشاعر
الأمير _محمود
ليست هناك تعليقات:
إرسال تعليق