محتاج احكي
دانا عمري قصير
والدنيا بتجري
وانا صبري كبير
وبعافر أنا بكل ما فيا من زق لزق
أنا شاطر جدًا وبدافع عن كلمة حق
و بكذب انا علي الكل
وعامل فيها انسان مبسوط
لكن مظبوط
و بكل مكان عمال بضحك
أنا بقلب حزنك ده لفرحك
والقلب حزين طيب ورزين
والغربة طويلة ومليش حيلة
وبتقطع قلبي
آه ياني يا غلبي
وانا شكلي انيق
ولا ليا رفيق
والناس بتبص علي المظهر
عماله تدَّخل وتحور
عمال يلبس غالي وماركة
بيفتكروا المال فكة زنقة
وبيصرف هنا وهناك
ولا عارفين اي وياك
ومدلع نفسه وشبعان
نفسيتي زفت وأتران
والنفس من الغربة بتتقطع
والله منايا قوام ارجع
واهي دنيا عايشها بالطول والعرض
كلنا واحد عايشين ع الأرض
بقلم مصطفي احمد يحي الهواري
ليست هناك تعليقات:
إرسال تعليق