ياحلوة ياام ملاية لف
ياقلب اخضر لا شاف ولا لف
وأد يسكر ويتمايل
ورمش يجرح ويرف
ياواخدة النيل فى طريقك
وواخدة الليل أمان سيرك
والكل واكل من خيرك
وحبيبك لا داق ولا كف
ياهربانة من وعود بكرة
وسايبالنا جروح ذكرى
وعاملة ماعندكيش فكرة
وحبيبك لا مات ولا خف
وإمتى ياحلوة يوم نفرح
ويبقى للأمان مطرح
ياسيبانى كسير العين
وسايبانى ممدود الكف
سلوى محمود
ليست هناك تعليقات:
إرسال تعليق