بعاتبك يا زمن بهواده
.....................
بعاتبك يا زمن بس بهواده
واشكيلك عإللي بيألمني
نفسي مرة ادوق طعم السعادة
إللي انت منها حارمني
احكيلي عنها أديني مثال
اوصفلي شوية عن جمالها
ولا السكينه وراحت البال
افضل كتير من تقلب أحوالها
صعب المنال القاك غير العاده
ألاقي سؤال جه بفكري
قلوب لبكت ودمعها سال
الفرح ديما وراها بيجري
وقلوب شايله الهم جبال
حبل الوصال انقطع منها
عنها تخلى الفرح مادق بابها
لطاب جرجها وخف انينها
لعينها دمعها كف وسابها
بعذابها على الحزن معتادة
بعتب عليك يازمن بهداوة
بدون غباوة رد ارجوك
نفسي اعرف سر العداوة
مايكونشي انا قتلت ابوك
كنت جارك وخدت مالك
وبقى بينك وبيني فيه تار
بجد مش هزار وحياة عيالك
عرفني ولا اكمنك بطبعك غدار
مش قادر تنسى الغباوة
بعتب عليك والوم يا زمن
خدتني من روحي للهموم
بعتني لدنيا ماحد فيها يأتمن
فوتني لليالي اسأل النجوم
ده بخت ولا ده نصيب
أعيش محروم من الأحباب
حتى الحبيب القاه راح بعيد
سقاني كاس العذاب بسعادة
......
بقلم.الشاعر
ليست هناك تعليقات:
إرسال تعليق