...... مش فاشلين خالص ......
*************************
ناجحين ومش فاشلين خالص
والكل في وظيفته كفارس
والخير بأيدكم صبح بالكوم
علشان ورعكم فاق خامس ؟
نزق للخير ولبره
يزقنا لجوه بحارس
لقمة ناكلها ونرمي أتنين
والكل م العصر أهو جالس
يذكر لورده من التسابيح
وبيختم القرآن سادس
وصلاة صبح كله مصلي
في بؤنة وفي طوبة ومارس
والكل أصبح فيها فقيه
والفضل راجع لمدارس
والكل له في البنك رصيد
ومعاه فلوس بالكوم وارث
ولا فيش خلاص عقبات أبدا
في طريقنا ولا حتى هواجس
يارب تفضلوا كده أحقاب
ده بجد مش يعني هلاوس
وتسوقوا لينا جيل ورا جيل
للخير ولا يحبسه حابس ؟؟
بقلم .. ياسر فؤاد الجدي
الأحد .. ١٨/٧/٢٠٢٣
ليست هناك تعليقات:
إرسال تعليق