رساله الي الشهيد
**********
قوم يا بطل أرفع راسك
مع الشهداء قول أنا مصري
أدافع عن أرضي عن بلدي
وقول للعدو بأعلي صوتك
إياك تفكر يوم إنك ممكن
تاخد حبة رمل واحده
أو تحط برجلك جوه أرضي
إن مات محمد فيه ألف غيره
جو جيشنا الكل مستني دوره
الشهاده بالنسبه لينا هي أمل
زي ما أنتم الدنيا هي حياتكم
جيشنا عظيم وأسأل جدودك
من زمن بعيد والتاريخ هو شاهد
زي أحمس وزي تحتمس
إحنا ردينا هجمت مغول
إحنا طوعنا كل غول
وال نسيتم لما التتار
هدموا البيوت وحرقوا العلوم
خلفوا وراهم آلاف القبور
خوفوا العالم من رعبهم
ولما نزلوا أرض مصر
كانوا فاكرينها لقمه سهله
اتاريها يا عيني أسد جسور
هجم عليهم مرة واحدة
وكانت نهاية تاريخهم
علي أرض مصر التاريخ
ربك حافظها بعنايته ورعيها
وذكر في كتابه ادخلوها آمنين
عدا عليها سيدنا ابراهيم
وكان فيها يوسف الكريم
ونزلهاكمان سيدنا يعقوب الرحيم
وسيدنا عيسي لما هرب من اليهود
ووصي بها سيدنا النبي خاتم المرسلين
عرفت ليه أنا بقدم روحي لبلدي
لأن فيها شهيد قبلي ولسه هيجي بعدي
فيها ال يخاف علي أرضه
وال يخاف علي عرضه وشرفه
وال يقدم روحه فداء لشعبه
مصر ولاده برجاله وشبابها
في كل بيت في كل حاره
زي حب القمح في أرض خصبة
أرضها خصبه وفيه مايه حلوه
كل ما ترمي فيها حبه
تنبت الف قمحه وقمحه
يارب بارك في شعبها وجيشها
ودايما علمها يرفرف عليها
وتبقي دائما حصن ودرع كل العرب
ليست هناك تعليقات:
إرسال تعليق