*** لسه في عندك ***
كلام
******
خلصت ولا لسه
لسه في عندك
كلام
لو في قولي وعاتبني
وبلاش تعلي وتبني
جبال من الملام
وياريتها جات ع الملام
اللي بتزيد الآلام
قولي
خلصت ولا لسه
** لسه عندك كلام. **
رحله وعدت خلاص
وبالنسبالي انتهت
قضينا فيها كتير
وسبنا ذكريات
كتبنا علي الحيطان
وعلى كل البيبان
وحفرنا علي الشجر
لكن يخساره تاهت
جوانا احاسيس ودابت
بمجرد نزول المطر
راحت وخدت معاها
مسابتشي غير آلام
قولي
خلصت ولا لسه
** لسه عندك كلام **
يلا
أهو كله بيعدي
بس المهم نفوق
مش لازم تاني ندوق
ولازم قلوبنا تعرف
إن اللي بياخد لازم يدي
ماهو أصل الحب ود
مش انانيه
الحب زي الورد
بس احنا مش جناينيه
الحب حقيقي بجد
خدنا وودانا وكتير ادانا
وفي مره جه وسألنا
ملقاش جوانا رد
بالذمه ده مش حرام
قولي
خلصت ولا لسه
** لسه عندك كلام **
كلمات / عادل النمرسي
@
ليست هناك تعليقات:
إرسال تعليق